Moun-andéwò a (Broché)

Sé nan lanné 1942 Albert Camus, ki fet até l'Aljéri, an koloni fwansé an tan-tala, pibliyé Moun Andéwò a, an liv ki trapé lamenm an siksé toutwon latè. Sé listwè an boug owdiné, Merso, ki ka risanti lanmanniè lavi-a pa ni pies kalté model sans. Liv-la ka fè lektè-a suiv metpies-li a dépi lè i apwann lanmù lamatè'y jistan lajistis kondané'y poudavwè i tjwé an Arab asou an plaj Aljé. Konpowtasion Merso ka sanm ta an moun ki anfouté siyak lavi, ki ka pwan tout sa ka rivé'y épi menm kalmisiré-a, kisiswa nov ki bon oben nov ki mové.
Sé dayè kon sa i rivé tjwé an Arab i pa té konnet nan pies kalté manniè : sé épi Rémon, an kanmarad Merso, Arab-la té trape bab. Lè zot wè yo mété Merso lajol, abo senk mwa fè tan pasé, i di avoka'y kon sa ki sa pa ta terbolizé'y, ki léta-a i adan'y Ian pa ka jennen'y vréman. Finaldikont, pwosé-a ka fet ek, apré dives témwayaj ki ka akizé Merso, sé jij-la ka kondané'y a mó. Sa pa ka fè'y ayen non pli ! Liv-tala, Moun Andéwò a, vini ka riprézanté an nouvo filozofi éti Albert Camus sé met-a-manyok li, "la philosophie de l'absurde" kivédi filozofi lavi san douvan ni dèyè.