Silent Shadows (Tagalog Edition)

Isang malaking kaguluhan ang naganap sa mundo ng mga tao nang sakupin ito ng isang bogeyman na si Corvus, kasama ang kanyang mga nakamamatay at maiitim na ulap, ulan, at mist upang gawin ito na mundo ng mga Anino. Dahil dito ay nalanghap ng mga nabubuhay na tao ang mist na kanila ring ikinamatay at sila'y naging bato. Ang kanilang mga anino, na siya rin nilang kaluluwa ay naging mga Anino rin ng Kadiliman.
Si Alexis Briant, ang isang asthmatic high school teacher ay nakalanghap rin ng nakamamatay na mist at nawalan siya ng malay. Ngunit sa kabutihang-palad, ang kanyang buhay ay naligtas nang may isang nilalang ang sumagip sa kanya bago siya tuluyang namatay mula sa kawalan ng paghinga. Nang magkaroon na uli siya ng malay ay nakilala niya si Rei - ang isang misteryoso at nakamaskarang Reaper na walang sariling anino, na may misyon na talunin si Corvus upang baguhin ang masama niyang kapalaran.
Sa tulong ni Alexis, kailangan nilang maglakbay patungo sa kastilyo ni Corvus at dito na nagsimula ang kanilang pakikipagsapalaran...