Sands and Sparrow

Nagsimula ang lahat bilang isang reyna ng Elydia hanggang sa muling nabuhay si Margo ng ilang daang taon nang siya ay naging isang imortal. Sa modernong mundo, kilala si Margo Sinclair bilang isang mayaman at makapangyarihan. Siya ay tinitingala, hinahangaan, at sinasamba ng mundo. Lahat ay kayang angkinin ni Margo ngunit wala pa ring katumbas ang lungkot ng pagiging imortal. Naging libangan na lang ni Margo ang pagpatay ng kriminal, pampalipas oras sa buhay na walang hanggan.
Isa lang ang iniiwasan ni Margo: ayaw niyang mapalapit at umibig dahil batid na niya ang magiging kapalaran. Lahat ng tao ay namamatay, lumilipas sa mundo, at maiiwan ulit siya na malungkot at nag-iisa. Ngunit lahat ay nagbago nang nakilala niya si Aveline, isang bayarang babae na kabaligtaran sa buhay na tinatamasa ni Margo. Pinandidirihan si Aveline, kinukutya, at walang halaga ang pagkatao. Magagawa kayang ibigin ni Margo ang isang katulad ni Aveline? Makakaya niya kayang umibig nang walang hanggan?