Bophelo bja mohiri

Puku ye e ngwadilwe ka Sesotho sa Leboa. Mathaithai o tswa naga magaeng a leba Petoria go yo ithuta eupsa a tseatsea ke moya o mobe wa go kgoga diokabtsi. Mekgwa ya gagwe e feleditse e mo lahlela ntlwanaleswiswi mola bagwera ba gagwe bona ba atlegile dithutong. O ile a lemoga mafokodi a gagwe gomme a fetoga. Go fetoga ga gagwe go mo file maatla a gore a fe bana ba bangwe tshedimoso le maele ka ditlamorago tsa  bophelo bja go somisa diokibatsi.
Tiragatso ye e ithekgile tikologong ya naga setoropo , gomme e bolela ka maphelo a sebjalebjale ao a lahletsago baswa gore ba feleletse ba lahlegelwa ke ditoro. Diteng di gapeletsa baswa gore ba lemoge gore diokobatsi di tla ba amoga bokamoso. Tiragatso ye e lemosa batho ka dilo tseo di ka sitisago batho ka tsa bophelo ge ba fetsa mphato wa marematlou. Thutokgolo ka yona ke go bula barutwana le batho ka moka   mahlo ka bophelo bja naga setoropo.
Tiragatso ye e ikemiseditse go ruta batho gore kae le kae o buna seo o se bjetsego. Tabakgolo ke go lemosa batho ka bophelo bja yunibesithi le goba mohiri. Bophelo bja goba mohiri bo nyaka maikemisetso le maikarabelo ka ge batswadi ba se kgauswi. Morero mogolo ke go fa batho kgopolo ya gore ba tsebe gore yunibesithi le lefelo la go hira go na le mogofe wo o nyakago go utswa ditoro tsa baswa. Se sengwe ke go fahlolla baswa ka mathata ao baka a hlolelago batswadi ka go phela maphelo a go se tsebalege.
Molaetsa o leka go hlohloletsa baswa gore ba tsebe gore maphelo a yunibesithi a lekana le tumelo ka dilo tse dintsi, bjalo go ba le maitshwaro le maikarabelo go bohlokwa kudu gore o kgone go o besa o tuke.