Boima ba ditshepiso

Ho  etsa  ditshepiso  ke  ntho  e  ntle,  hobane  ke  tsela  eo  o  tla  beng  o  bontsha  ho  leboha  ka  yona,  kapa  hona  ho  bontsha  lerato  ho  motho  eo  o  etsang  ditshepiso  ho  yena. Empa  ditshepiso  di  na  le  ho  imela  beng  ba  tsona  ha  di  se  di  sa  phethahale,  kapa  ha  di  nka  nako  hore  di  phethahale. Ho  ba  bang  di  na  le  ho  baka  kgatello  ya  maikutlo,  e  be  motho  o  se  a  tla  nyahama  ka  tsa  bophelo  le  ditorong  tsa  hae.
E  qetelle  e  se  e  le  motho  feela  ya  se  nang  thuso  ya  tsubang  dithethefatsi. Tsena  kaofela  di  tla  be  di  bakwa  ke  boima  ba  ditshepiso,  hobane  dintho  tseo  ba  neng  ba  rerile  ho  tla  di  etsa  ka  lerato,  ha  di  ya  phethahala. Mme  e  ba  sekoloto  se  boima  hore  ba  ka  qeta  ho  se  lefa. Empa  ho  bohloko  haholo  ha  motho  eo  o  entseng  ditshepiso  ho  yena,  ha a  ka  ikela  boyabatho  pele  o  ka  phethahatsa  ditshepiso  tsa  hao.